နောင်လာမယ့် နှစ်ပေါင်း (၃၀) ကာလအတွင်း အပြောင်းအလဲတွေဟာ ကျွန်တော်တို့ အသည်းအသန်စိတ်ကူးယဉ် မှန်းဆထားတာထက်ကို ကျော်လွန်သွားပါလိမ့်မယ်။ လာမယ့် နှစ်ပေါင်း (၃၀) ဟာ လုပ်ငန်းတစ်ခုချင်း၊ လုပ်ငန်းတိုင်းအပေါ် အကျိုးသက်ရောက်မှုရှိပါလိမ့်မယ်။ အနာဂတ်ကို မကောင်းမြင်သူ ဆိုရင်တော့ နင်းခြေဖျက်ဆီးခံရပါလိမ့်မယ်။ အနာဂတ်ကို အကောင်းမြင်သူဆိုရင်တော့ အလျှံပယ်အခွင့် အလမ်းတွေ လှိမ့်ဝင်လာပါလိမ့်မယ်။

 ဒီစာအုပ်ဟာ ဂျက်မားရဲ့အတ္ထုပ္ပတ္တိမဟုတ်ပါဘူး။ သူ့ရဲ့စွန့်ဦးတီထွင်လုပ်ငန်းရှင် ခရီးစဉ်တစ်လျှောက် ဟောပြောချက်တွေ ဖြစ်ပါတယ်။ စီးပွါးရေးလုပ်ငန်းတွေ၊ ကုမ္ပဏီတွေအတွက် အနာဂတ်မှာ ဘယ်ပုံဘယ်နည်းနဲ့ လုံးဝဥဿုံဖွံ့ ဖြိုးတိုးတက်အောင် လုပ်ကြမလဲဆိုတာကို ဒီစာအုပ်က နှိုက်နှိုက်ချွတ်ချွတ် ရှာဖွေတင်ပြထားပါတယ်။

ရှေ့မှာကြုံရမှာတွေအတွက် ပြင်ဆင်ထားကြဖို့ ပရောဟိတ်တစ်ဦးလို လူတွေကိုလှုံ့ဆော်တိုက်တွန်းတတ်တဲ့ ဂျက်မားက အနာဂတ်နဲ့ပတ်သက်တဲ့ သူ့အမြင်တွေကို စိတ်ဆန္ဒပြင်းပြင်းပြပြနဲ့ ဖော်ထုတ်ဆွေးနွေးထားပါတယ်။ အံ့အားတသင့်ဖြစ်ရမယ့်ကိစ္စတွေတော့ မဟုတ်ပါဘူး။
"အနာဂတ်ဟာ (၃၀) တွေရဲ့အကြောင်းချည်းပဲဖြစ်တယ်။
အနာဂတ်ဟာ ငယ်သော်လှ၏။"
ဆိုတဲ့ ဂျက်မားရဲ့ ပြောဆိုချက်ကို ယုံကြည်ဖို့ပဲလိုပါတယ်။