အချစ်ဆိုသောအရာကို လူတွေက ကိုယ်ကြုံတွေ့ခံစားရသည်များကိုအခြေခံ၍ အဓိပ္ပါယ်အမျိုး မျိုး ဖွင့်ကြလေရဲ့။ ဆရာမ မိုးမိုး (အင်းလျား)ကတော့ အချစ်ဆိုသောအရာကို ဇာတ်ကောင်အမျိုးမျိုးဖြင့် ပုံသဏ္ဍာန်အမျိုးမျိုး ရေးဖွဲ့ထားပါတယ်။ "မင်းဟာ ချစ်တတ်တဲ့သူ မဟုတ်ပါဘူးကွာ၊ ချစ်စရာ လိုက်ရှာ နေတာပါ၊ ချစ်စရာမရှိရင် မင်း မနေတတ်ဘူး၊ ချစ်စရာတွေ့ရင် ချစ်မယ်၊ ချစ်စရာမရှိတော့ရင် နောက်ထပ် ချစ်ရမယ့်သူရှာမယ်၊ ဒါပဲမဟုတ်လား"ဟု အမြဲထောပနာပြုခြင်းခံရတဲ့ အချစ်နဲ့ပတ်သတ်လာလျှင် မပြတ်သားသည့်အောင်။ ဆယ်ကျော်သက်အရွယ် နုနုနယ်နယ် ချစ်ကြိုက်ကြည်နူးခဲ့သော အရွယ်မှ ရင့်ကျက်တည်ငြိမ်သော မိန်းကလေးတစ်ဦး ဖြစ်လာခဲ့သော.... အချစ်ကြီးသလောက် အမျက်ကြီးခဲ့သော လတ်လတ်။ အောင်နှင့် လတ်လတ်တို့တွေ့ဆုံကြရာဝယ် .... ဒေါသကြီးပြီး အရာရာကို စိတ်မြန်လက်မြန် အလွယ်တကူ ဆုံးဖြတ်တတ်သော အောင်ရဲ့ ဒုတိယလူမဖြစ်ချင်သော လတ်လတ်ဆိုသောအမျိုးသမီးရဲ့ အချစ်အကြောင်းများနှင့် အချစ်နှင့်ပတ်သတ်လျှင် ဆုံးဖြတ်ချက်မပြတ်သားသည့်အခါ ဖြစ်တတ်သည့် သဘောသဘာဝတို့ကိုပါ ဖော်ပြထားသည်မှာ သဘာဝကျလွန်းသည်။ ထို့ကြောင့် အချစ်အကြောင်းကို ခံစားလိုသည့်အခါ ဖတ်ရှုသင့်သော ဆရာမိုးမိုးအင်းလျား၏ အချစ်ဆိုသောအရာ....